Хэлний бэлтгэлд суралцах (D-4-1)

ХЭЛНИЙ БЭЛТГЭЛД СУРАЛЦАХ (D-4-1)

<ВИЗ МЭДҮҮЛЭГЧИЙН БҮРДҮҮЛЭХ БИЧИГ БАРИМТ>

1. Виз мэдүүлгийн маягт, Сүүлийн 6 сарын дотор авахуулсан 3.5х4.5см хэмжээтэй өнгөт зураг, Визний хураамж 60 ам.доллар

2. Гадаад паспорт/ Хуулбар 1 хувь

3. Товч намтар (ЭСЯ-ны маягтын дагуу бөглөх, МS Word, Hangul программ ашиглах, Заавал өөрийн гараар гарын үсгээ зурах)

4. Элсэлтийн зөвшөөрөл болон сургуулийн аж ахуйн нэгжийн бүртгэлийн гэрчилгээний хуулбар

5. Хэлний бэлтгэлийн төлөвлөгөө (Хичээлийн хуваарь, Хичээл заах багш нарын хүснэгт), Хэлний бэлтгэл хичээлийн өнөөгийн байдал (Сургуулийн өөрийн маягт)

6. Сургалтын зардал, Санхүүгийн чадвар нотлох бичиг баримт

- Өөрийн, Эсхүл сургалтын зардал хариуцагчийн Монгол дахь дансны хуулга (Виз мэдүүлэх өдрөөс өмнө 14 хоногийн дотор авсан байх)

ø Дансны хуулга авах өдрийн байдлаар 10,000 ам.доллартай дүйцэхүйц мөнгийг 30 хоногоос дээш хугацаагаар заавал байршуулах. Материал шалгах үед дансны хуулган дээрх хадгаламж нээснээс хуулга авсан өдөр хүртэлх хугацаа 30 хоног хүрэхгүй байх тохиолдолд санхүүгийн чадвар хангахгүйд тооцно. (Хадгаламжийн журам зөрчсөн)

ø Дансны хуулга дээр хуулга авсан он, сар, өдрийг тодорхой тэмдэглэгдсэн байх.

- Тухайн дансны сүүлийн 3 сарын хуулга (Хуулга авах өдрийг хүртэл)

- Сургалтын зардлыг хариуцах тухай тодорхойлолт, Иргэний үнэмлэхийн хуулбар, Виз мэдүүлэгчтэй холбоо хамаарлыг нотлох төрөл садангийн лавлагаа

- Сургалтын зардал хариуцагчийн сарын орлогыг нотлох бичиг баримт (Нийгмийн даатгалын лавлагаа, Татварын тодорхойлолт зэрэг)

7. Гэрлэлтийн лавлагаа

- Гэрлэлт бүртгэлгүй ч хүүхэдтэй тохиолдолд хүүхдийн төрсний бүртгэлийн лавлагааг нэмэлтээр өгнө

- Насанд хүрээгүй хүүхэд (19-өөс доош насныхан) бол төрсний бүртгэлийн лавлагаа (Эцэг эхийн төрсөн он, сар, өдөр бичигдээгүй бол эцэг эхийн иргэний үнэмлэхийн лавлагаа)

8. Цагдаагийн газрын тодорхойлолт (18–аас дээш, 60-аас доош насны анх удаа виз мэдүүлж буй иргэнд хамаарна)

9. Хамгийн сүүлд төгссөн сургуулийн гэрчилгээ, Диплом, Дүнгийн жагсаалтын эх хувь, хуулбарын хамт

10. Сүрьеэгийн шинжилгээний бичиг (БНСУ-ын ЭСЯ-аас заасан эмнэлгийн нэрсийн жагсаалтыг хавсралт 2-оос үзнэ үү)

[Дүнгийн шалгуур үзүүлэлт]

- Ерөнхий боловсролын сургууль: голч дүн 75%-аас дээш байх

- Их дээд сургууль, Магистр: голч дүн 2.4-өөс дээш байх (Улсын их, дээд сургууль төгссөн бол голч дүн 2.0-оос дээш байх)

ø БНСУ-ын их дээд сургуулийн гадаад оюутны тэтгэлгээс гадна тусгай тэтгэлэгтэй тохиолдолд хамаарахгүй.

ø Анхаарах зүйлс

1. Элсэлтийн зөвшөөрлийн гэрчилгээний хүчинтэй хугацаа 3 сар байна

2. Сургалтын зардал хариуцагчийн хамрах хүрээ

- Хэлний бэлтгэл, Их дээд сургуулийн сургалтын зардал хариуцагч: Нэгдүгээр батлан даагч буюу эцэг, эхийн тогтмол орлого, Санхүүгийн чадварыг татвар төлсөн байдал, Нийгмийн даатгалаар нотлох. (Батлан даагч тус бүрийн сарын орлого ойролцоогоор 750,000 воноос дээш байх)

- Эцэг, эх нас барсан тохиолдолд хоёр дахь батлан даагч буюу төрсөн эгч, дүү эсхүл авга нагац

3. Дансны хуулга нь виз мэдүүлэх өдрийг хүртэл 1 сараас дээш хугацаагаар байршуулсан байх ба визний мэдүүлгийг шалгаж дуусах хүртэл зарлага хийхгүй байх

[6 сарын сургалтын зардлыг тооцоолох]

- Сургалтын төлбөр 6 сар + Нэг талын онгоцны билет + Амьдралын зардал сар бүр 500 ам. доллар (Хоол, Байр + Хэрэглээний мөнгө + Ном сурах бичиг болон бусад)